ഒരു മാസത്തിനു ശേഷം പെലെ ആശുപത്രി വിട്ടു
ബ്രസീലിയന്‍ ഫുട്ബോള്‍ ഇതിഹാസം പെലെ ആശുപത്രി വിട്ടു. ഒരു മാസത്തോളമായി താരം ചികിത്സയില്‍ ആയിരുന്നു. വന്‍കുടലിലെ ട്യൂമര്‍ ശസ്ത്രക്രിയ ചെയ്ത ശേഷം അവസാന ഒരു മാസമായി അദ്ദേഹം ആശുപത്രിയില്‍ ആയിരുന്നു. ആശുപത്രി വിട്ടു എങ്കിലും കീമോതെറാപ്പി തുടരുമെന്ന് അദ്ദേഹത്തിന്റെ മെഡിക്കല്‍ ടീം അറിയിച്ചു. പതിവ് പരിശോധനകളില്‍ സംശയാസ്പദമായ മുഴ കണ്ടെത്തിയതിനെ തുടര്‍ന്ന് ഓഗസ്റ്റ് 31നായിരുന്നു 80കാരനായ പെലെ സാവോപോളോയിലെ ആല്‍ബര്‍ട്ട് ഐന്‍സ്റ്റീന്‍ ആശുപത്രിയില്‍ അഡ്മിറ്റ് ആയത്. സെപ്റ്റംബര്‍ 4 ന് ശസ്ത്രക്രിയയ്ക്ക് വിധേയനായ പെലെയുടെ ആരോഗ്യം തൃപ്തികരമാണെന്ന് ഡോക്ടര്‍മാര്‍ പറഞ്ഞു. കീമോ തെറാപ്പി നല്‍കുന്നു എന്ന് മെഡിക്കല്‍ ടീം പറഞ്ഞു എങ്കിലും അദ്ദേഹത്തിന്റെ സ്വകാര്യത ബഹുമാനിച്ച്‌ രോഗം എന്താണെന്ന് വ്യക്തമാക്കിയിട്ടില്ല.
